Á morgun 1.október opnar íbúagátt Hafnarfjarðarbæjar og er opin til 15. okt.
Til þess að fá niðurgreiðsluna endurgreidda þá þurfið þið að fara þarna inn og merkja við ykkar
félag og grein.
Minni á að hver iðkandi getur fengið endurgreiðslu fyrir tvær greinar.
Einnig langar okkur að minna ykkur á að ganga frá skráningu og greiðslu æfingagjalda en frestur
til þess er fram yfir helgi.
Með íþróttakveðju, íþróttastjóri
Kæru forráðamenn
Ég vil byrja á því að þakka þær viðtökur sem nýja skráningarkerfið okkar hefur fengið og þakka þeim sem eru búnir að ganga frá skráningu og gjöldum fyrir tímabilið 2011-2012.
Frestur til að ganga frá skráningu og æfingagjöldum er 1. október.
Þeir sem hafa kredikort geta klárað skráningar og greiðslu á heimasíðunni haukar.is.
Þeir sem vilja greiðsluseðla þurfa að skrá iðkendur á heimasíðunni og hafa síðan samband við mig í s: 525-8702 eða á gudbjorg@haukar.is. Þá sendið þið mér eftirfarandi upplýsingar:
1. Kennitölu iðkanda
2. Íþróttagrein og flokk
3. Nafn og kennitölu greiðanda
4. Á að skipta greiðslu?
5. Innleggsreikning fyrir endurgreiðsluna
Með íþróttakveðju, Guðbjörg íþróttastjóri
Ég vil byrja á því að þakka þeim sem eru búnir að skrá sig og ganga frá gjöldum. Þetta er mikilvægt fyrir starfið okkar og ykkar. Þá vil ég hvetja þá sem ekki eru búnir að ganga frá gjöldum að gera það sem fyrst. Frestur til að ganga frá greiðslu gjalda er 1. okt.
Við erum að taka í gagnið nýtt skráningarkerfi sem hjálpar okkur að halda utan um allar skráningar og greiðslu gjalda þannig að öll skráning/greiðsla gjalda fer í gegnum haukar.is.
Þeir sem notuðu kerfið í sumar þegar þeir skráðu í íþróttaskóla Hauka þurfa ekki að skrá aftur inn iðkendur heldur fara inn á því lykilorði sem þau bjuggu til í sumar.
1. Farið er á heimasíðunni okkar haukar.is.
2. Hægra megin á síðunni er gulur kassi sem í stendur „Skráning í vetrarstarf Hauka“.
3. Farið þar inn og byrjið á því að gera „nýskráning“.
4. Veljið ykkur lykilorð sem þið notið síðan í hvert skipti sem farið er þarna inn.
5. Skráið alla ykkar iðkendur inn með því að gera „Nýr iðkandi“ og fylla þar út upplýsingar.
6. Nú getið þið skráð í flokka og gengið frá greiðslu.
Þeir sem eru með kreditkort geta klárað skráningu/greiðslu gjalda á netinu, hinir hafa samband við íþróttastjóra og hafa tvo valmöguleika:
1. Millifæra á reikning Hauka (upplýsingar hjá íþróttastjóra).
2. Greiðsluseðill – hægt er að skipta gjaldinu hér í 6 greiðslur.
Niðurgreiðslur Hafnarfjarðarbæjar eru sem hér segir:
Fyrir 6-12 ára 1.700 á mánuði (knattspyrna fær 12 mánuði, handbolti og körfubolti 9 mánuði)
Fyrir 13-16 ára 2.550 á mánuði (þær greinar sem eru allt árið fá 12 mánuði í endurgreiðslu)
Endurgreiðslurnar verða millifærðar annaðhvort á kreditkort forráðamanna eða endurgreitt á reikning, fer eftir hvernig gjöldin eru greitt. Endurgreitt er eftir hvert tímabil þ.e. gáttin eru opin frá 1.-15.okt, 1.-15.feb. og 1.-15.júlí – eftir hvert tímabil göngum við frá endurgreiðslu.
Frestur til að skrá og ganga frá greiðslu gjalda er 1. okt.
Allar upplýsingar varðandi æfingagjöld og niðurgreiðslu er á haukar.is undir „Æfingagjöld“, hægra megin á síðunni. Æfingagjöld eru heildargreiðslur þ.e. forráðamenn eiga eftir að fá niðurgreitt sem þeir fá eftir hvert tímabil.
Með Haukakveðju,
Guðbjörg Norðfjörð
Íþróttastjóri Hauka
gudbjorg@haukar.is
s: 525-8702
Haukar munu viðhafa þá nýbreytni þetta árið að hafa opið hús þar sem forráðamönnum gefst kostur á því, meðal annars, að ganga frá greiðslu æfingagjalda í barna og unglingastarfinu.
Takið því frá föstudaginn 9. september n.k. frá kl. 17:30 til 20:30 eða laugardaginn 10.september n.k. frá kl. 10:00 til 14:00.
Á þessum dögum munum við kynna starfssemi Hauka. Við munum starfrækja sérstakt Hauka kaffihús í tilefni dagsins þar sem veitingar eru ókeypis. Ykkur er því öllum boðið í vöfflur með rjóma og kakó/kaffi.
Á sama tíma getið þið gengið frá æfingagjöldum vegna komandi starfsárs. Haukar hafa tekið í gagnið nýtt skráningarkerfi þar sem allir geta gengið frá æfingagjöldum á netinu. Kerfið var notað í rekstri sumarskólans og reyndist mjög vel, þannig að nú mun sama kerfi vera notað vegna æfingagjalda. Hægt er að ganga frá greiðslu eða greiðsludreifingu á staðnum og hvetjum við fólk til að gera það.
Á sama tíma munum við kynna samstarf N1 og Hauka varðandi bensínkort, en allir Haukar sem skrá sig í hóp 398 hjá N1 fá 5 krónu afslátt á hverjum eldsneytislítra auk þess að fá afslátt á þjónustuvörum. N1 kortið er ávísun á verulegan sparnað fyrir Haukafélaga og það kostar ekkert að fá sér kort og engar skuldbindingar um viðskipti. Menn einfaldlega nota kortið ef það er hagkvæmt fyrir viðkomandi. Á sama tíma styðjið þið við bakið á starfsemi Hauka. Við minnum einnig á N1 bensínstöðina við Ásvelli.
Haukar hafa einnig skrifað undir samstarfssamning við tryggingafélagið TM og þeir sem hafa áhuga á að fá tilboð í betri verð í tryggingum geta komið því í framkvæmd á staðnum.
Haukar í horni er félagsskapur stuðningsmanna Hauka og það eiga allir stuðningsmenn að vera í þeim ágæta félagsskap. Á opna húsinu verður kynning á þessu starfi enda er þessi stuðningur mikilvægur fyrir Hauka.
Haukar bjóða ykkur því hjartanlega velkomin á opið hús föstudaginn 9. september og laugardaginn 10. september n.k.
Við sjáum vonandi sem flesta.
Áfram Haukar
Sælir foreldrar
Á morgun fimmtudaginn 8.september ætlum við þjálfararnir að halda foreldrafund fyrir ykkur foreldra strákanna í 7.flokki kk í fótbolta. Fundurinn byrjar klukkan 21.00 og er haldinn í Engidal sem er fyrirlestrarherbergi inni í stóra íþróttahúsinu að Ásvöllum. Mikilvægt er að allavega annað foreldrið mæti. Við þjálfararnir komum til með að fara yfir helstu atriði vetrarins auk þess sem Guðbjörg íþróttastjóri Hauka kemur til með að kynna nýtt skráningarkerfi og ræða æfingagjöld.
Kveðja þjálfararSíðasti heimaleikur sumarsins hjá m.fl. karla verður laugardaginn 10. sept. kl. 16:00 Haukar - Þróttur.
Nú ætla allir þjálfarar að búa til skemmtilegan dag og mæta með iðkendur á þennan leik.
