Páskafrí

Það fer að líða að einu stund ársins þar sem almenningur aðlagar líf sitt að stöðu tunglsins og leggst í leti á ákveðnum tímapunkti til að borða súkkulaði. Hljómar furðulega en það er nú bara eins og það er.

Eins og skólarnir þá taka yngri flokkarnir, nánar tiltekið 5. flokkarnir og yngri, sambærileg frí. Síðasta æfingin verður því á föstudaginn 30. mars og fyrsta æfing eftir páskafrí verður þriðjudaginn 10. apríl. Farið bara varlega í páskaeggin!

Vorhraðmót í Fífunni 28. apríl

Nú er um að gera að taka frá laugardaginn 28. apríl því þá fer flokkurinn á hraðmót hjá Breiðablik í Fífunni. Mótinu mun svipa til mótsins sem við fórum á í Reykjaneshöllinni. Þáttökugjaldið er 1000 kr. og hefst mótið kl. 13:00 og stendur yfir í einhverja fáeina klukkutíma.

Nánar um þetta síðar þegar leikjaplan fyrir mótið er komið.

Tölvupóstsendingar

Hér er svo önnur tilkynning frá foreldrastjórninni:
................................

Þeir foreldrar sem ekki hafa verið að fá tölvupóst frá foreldrafélaginu eru beðnir um að senda tölvupóst á eftirfarandi netfang

lhelgadottir@actavis.com . Þannig er hægt að bæta þeim sem vantar inn á netfangalistann fyrir flokkinn.

................................
Þar sem ég hef einnig stundað það að senda út tölvupósta á alla foreldra þá þarf ég líka að vera með netföngin hjá öllum. Sendið því netfangið ykkar bæði á Lindu í foreldrastjórninni og mig á póstfangið sem er hérna hægra megin í valmyndinni.

Æfingafatnaður Hauka 2007

Eftirfarandi er tilkynning frá foreldrastjórninni:

Tilboð á Hummel vörum fyrir 7. flokk Hauka

Verslunin Fjölsport í Firðinum hefur boðið okkur að versla eftirtaldar hummelvörur á tilboðsverði, eða 6000 kr.:

1. Hummel gervigrasbuxur
2. Hummel æfingatreyju,
3. Hummel sokkar,

Þeir sem vilja nýta sér þetta tilboð geta komið í vallarhúsið við gervigrasið eftir æfingu þriðjudaginn 27 mars kl:17:00. Þar verðum við með sýnishorn í mismunandi stærðum til mátunar.

Einungis verður hægt að máta þennan eina dag.

Pantanir verða teknar niður á staðnum, vonandi verður hægt að afgreiða pantanir fljótlega eftir páska. Þeir sem ekki komast en vilja panta geta komið pöntunum til okkar ekki seinna en á föstudaginn 30.mars.

Frekari upplýsingar veita

Linda lhelgadottir@actavis.com / sími 891-6454

Helga Huld helgahuld27@hotmail.com / sími 849-9918

Æfing? JÁ!!

Ef einhver var að pæla í því þá er æfing í dag, þriðjudag, þrátt fyrir ömurlegt óveður. Við verðum inni í karatesalnum enda er varla stætt úti.

Tilkynning

Á föstudag verð ég staddur norður í landi við jarðarför afa míns og því missi ég af æfingunni þann daginn. Hún verður þó í öruggum höndum aðstoðarþjálfaranna Hilmar Emils, Guðmunds og Andra Geirs.

kv. Kristján Ómar

Æfingaleikur við FH á laugardaginn

Á laugardaginn kíkir FH í heimsókn á Ásvelli.

Yngra árið (2000 módelin) mæta kl. 10:00 og spila í klukkutíma.
Eldra árið (1999 módelin) mæta kl. 11:00 og spila líka í klukkutíma.

Það væri best að fá góða mætingu í þessa leiki þar sem 7. flokkur FH telur eina 60 stráka á meðan ég er aðeins hátt í 45 stráka. Ef mætingin verður léleg er hættara við því að leikálagið verði óþægilega mikið á þá sem mæta.

Eins og síðast mun ég sækjast eftir aðstoð áhugasamra foreldra við það að dæma leiki, halda utan um liðin og passa upp á búningana.

ATH!!! Æfingin á sunnudaginn mun falla niður út af þessum leik.

Um pöntunarblaðið

Hún Linda í foreldrastjórninni bað mig um að setja inn fréttina hérna á undan um fjáröflunina sem er komin í gang. Pöntunarblaðið sjálft kemur ekki rétt fram hérna á heimasíðunni - kassarnir utan um hvern dálk koma ekki í ljós. Ef þið hins vegar kóperið hlutann af fréttinni frá "Pöntunarblaðið mitt" og niður restina af fréttinni, og "peistið" eða límið (eins og það heitir víst á íslensku) þeim bút í Word þá ættuð þið að geta átt við skjalið svo þessar upplýsingar sem þurfa að koma fram séu aðgreinanlegar á blaðinu.

Síðan getið þið alltaf bara fengið svona blað hjá mér á æfingum.

Tilkynning frá foreldrastjórninni

FJÁRÖFLUN – FJÁRÖFLUN

7. FLOKKUR – DRENGIR

Heil og sæl allir J

Það er komið að því!!! Fjáröflun fyrir strákana okkar í 7. flokk er að hefjast.

Nú er um að gera að hvetja þá til þess að selja sem mest, svo að kostnaðurinn fyrir Akranes mótið í júní verði í lágmarki. Þetta er stærsta mót sinnar tegundar hér á landi og gerði mikla lukku hjá strákunum og foreldrum þeirra sem fóru í fyrra. Kostnaður í fyrra var 18 000 kr. á hvern dreng og má búast við svipaðri upphæð núna. Núna í febrúar ætlum við að selja kaffi frá Kaffitár og svo eftir 2-3 mánuði verðum við með aðra fjáröflun.

Hver pakki kostar 1400 kr og inniheldur 1 poka (250 gr) af Kólumbíukaffi og 1 poka (250 gr) af Spákonukaffi. Hægt er að panta bæði baunir eða malað kaffi.

ATH að þegir þið sendið til okkar pantanir að taka fram hversu marga pakka þið viljið af baunum og hversu marga af möluðu kaffi.

Fyrir hvern seldan pakka fær hver drengur um kr. 644. Ath hver og einn drengur er að safna fyrir sig, og ágóði af sölu hvers og eins fer inn á persónulegan reikning viðkomandi í Landsbankanum. Allir nýir meðlimir í flokknum fá stofnaðan Sportreikning.

Kólumbíukaffi: Kaffið hefur sterk sérkenni, góða sýrni og ber ávæning af kryddi og fylling þess er sérstaklega flauelsmjúk og eftirbragðið með karmellu- og hunangskeimi

Spákonukaffi: Tvær tegundir af Mið-Ameríku baunum, en þær eru brenndar á tvo ólíka vegu, þ.e. í Vinarbrennslu og Meðalbrennslu. Þetta er bragðmikið en þó frísklegt kaffi, þétt í sér með mjúkum tónum af súkkulaði. Gott kaffi fyrir þá sem vilja skyggnast inn í framtíðina.

Þegar lögð er inn pöntun þarf að leggja inn upphæðina sem selt er fyrir á reikning 140-26-82839, kennitala 700387-2839. Muna að taka fram í skýringu nafn þess drengs sem leggur inn.

Athugið að pantanir verða að berast fyrir þriðjudaginn, 6. mars, með því að hringja í síma 860-2244, eða senda tölvupóst á eftirfarandi netfang, jknutsdottir@actavis.is

Gangi ykkur rosalega vel J J J

Pöntunarblaðið mitt

Nafn seljanda: Sími:

Kaupandi:	Heimilisfang:	Sími:	Fjöldi pakka Baunir:	Fjöldi pakka Malað:
1
2
3
4
5
6
7
8
9
10
11
12
13
14
15
16
17
18
19
20
21
22
23
24

...

Fjör í frostinu!

Það er nokkuð ljóst að hvorki heimstyrjöld, frosthörkur né eiturmökkur frá 9 miljóna tonna súlfats-og-brennisteinsspúandi-álveri í bakgarði Ásvalla myndu koma í veg fyrir að hörkutólin í 7. flokki karla í knattspyrnu hjá Haukum myndu mæta á útiæfingu.
Eldmóðurinn yljaði strákunum og mér í frostveðrinu á þriðjudaginn þar sem hvorki fleiri né færri en 37 strákar mættu á æfingu (sem er tæplega 90% mæting hjá hópnum). Það er algjör unun að fylgjast með strákunum og áhuginn skín úr hverju andliti. Algjör miljónkall!

Og allir að teygja svona á náranum.

Fullkomin einbeiting í gangi við teygjurnar
Og allir síðan að fara í brú - púff!